Lpg

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Lpg (vaan Ingels liquefied petroleum gas 'gecondenseerden oliegaas') of otogaas is 'ne brenstof dee gemaak weurt oet eerdolie (of soms oet eerdgaas). Lpg weurt gemaak door bij 't krake de deile aof te vaange die bij kamertemperatuur nog gaasvörmeg zien; die gaze zitte bovenin d'n torie. Nao wijer raffinaasj, boebij de neet-brenbaar en vervojlende illeminte weure oetgefilterd, hèlt me e mingsel euver wat veural oet propaan (C3H8) besteit, mèt minder groete deile butaan (C4H10) en propeen (C3H6). 't Mingsel weurt daan oonder drök gebrach, zoetot 't vleujbaar weurt.

Lpg heet diverse veurdeile. Vaanajds waore de bestanddeile aofvalprodukte, wat ze rillatief gojekoup maak. Daobij heet 't minder touwgeveugde illeminte es benzine en (zeker) diesel; de vervojling mèt fijne stöb en stikstofverbindinge is daorum minder groet. Naodeil is 't groet verbruuk en de groeten tank dee me naovenant in d'n oto nujeg heet. Daobij kin 'nen lpg-motor rillatief wieneg trèkke, zoetot 't veural veur klein oto's 'n optie is. Door de jaore heer is wel väöl aon de motore verbeterd. Ouch d'n opslaag beujt probleme: kump 't aon de boeteloch, daan verdamp 't astrein. Daorum moot 't tanke ummer mèt vacuümpoompe gebäöre.

Lpg weurt, neve veur oto's, in väöl len gebruuk veur mèt te koke of op te steuke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lpg&oldid=453396"