Lónge

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De lónge bieje miens.

De lónge zeen de gepaardje aomhaolingsorgane van gewèrveldje bieëster, mit oetzunjering vanne meiste vissen en sómmige amfibieje.

Inne lónge vindj gaaswusseling plaats tösse lóch en blood veur 't metabolisme. De lónge van zougdere zeen gein hol ruumdjes die gevöldj waere mit lóch, mer höbben 'n spónsechtige structuur zodet 't oppervlak wo gaasoetwusseling meugelik is väöl grótter wuuertj. De lónge van amfibieje zeen waal te vergelieke mit 'n laeg toet, die dus neet hieël efficiënt is. Ze aome denouch door kaelaomhaoling en dore hoed.

Gaaswusseling

Door te aome kan gaaswusseling plaatsvinje; zoerstof diffundeertj den 't blood in en koolstofdioxide d'roet. Zoerstof is nuuedig veure verbranjing van voor, wobie energie vriekump veur e groeat aantaal processe. Ouch wuuertj mitte aomhaoling koolzoer eweggehaoldj det wuuertj geproduceerdj bieje verbranjing van voorstoffe. De concentratie van koolzoer in 't blood wuuertj geregeldj door 't aomcentrum in 't herre.

Anatomie

De miensjelike lónge: 1. lóchpiep; 2. rechse bronchus; 3. linkse bronchus; 4. rechse lóng, mitte lónglobbe: (a) bäövels; (b) middels; (c)ungels; 5. linkse lóng, mitte lónglobbe: (a) bäövels; (b) ungels; 6. fissura obliqua; 7. fissura horizontalis; 8. lóngslaagaor.

Zuuch ouch

• Aomhaolingsstèlsel