Live 8

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Live 8 in Berlien

Live 8 waor 'ne cyclus vaan konzèrs dee op 2 juli 2005 gehawwe woort in nege versjèllende stei: Londe, Paries, Berlien, Roeme, Moskou, Johannesburg, Tokio, Barrie (Canada) en Philadelphia. De concerte woorte georganiseerd nao aonleiing vaan 'n tóp vaan de G-8 in Edinburgh, dee dao-op volgde. Op deen tóp zouw naomelek beslote weure wat me vaan de sjölde, die de oontwikkelingslen in veural Afrika höbbe, zouw kwietsjelle. Daorum woort in eder G-8-lidstaot en in Afrika e concert gehawwe. De artieste pleitde veur 'n coulante hajding vaan de rieke len.

De naom Live 8 waor e zinspeuling op de twinteg jaor ieder gehawwe Live Aid-konzèrs, die ouch veur Afrika bedoeld waore en hendeg succesriek waore verloupe. De 8 sloog op de G-8.

Alle konzèrs waore 'n eclatant succes. Tot de optrejjende artieste behuurde U2, Paul McCartney, Robbie Williams, The Who, Björk, Shakira, Muse, Neil Young, Madonna, Andrea Bocelli en Pink Floyd. De konzèrreeks waor de groetste popmanifestatie oets gehawwe.


  Dit artikel is e sjtumpke. De kans Wikipedia helpe door 't aan te völle


Commons
Commons
Op de pazjena Category:Live 8 van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Live_8&oldid=415707"