Direk objek
(Doorverweze van Lijend veurwerp)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
In de grammair is 't direk objek vaan 'n zin 't zinsdeil wat 'n handeling die door middel vaan 'n transitief verb weurt besjreve oondergeit. Me kint 't direk objek in 't algemein vinde door de zin ierst es volg te hersjrieve en vervolges te antwoorde:
- Vraogend pronoom ("Wee/Wat") + persoensvörm + subjek
Es veurbeeld deze zin:
- Ich höb diene knien gezeen. → Wat höb ich gezeen? → Diene knien. Dus diene knien is hei 't direk objek.
In taole mèt naomvalle steit 't direk objek in 'nen apaarte naomval. Dit is meistens d'n accusatief, meh sóms (in ergatief taole) is 't 'nen aandere naomval wat d'n absolutief geneump weurt.