Accusatief

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De accusatief (Letien: accusare, aanklage), accusativus of veerdje naamval is de naamval veur 't liejendj veurwirp (drek objèk).

Meining en gebroek[bewirk | brón bewèrke]

't Liejendj veurwirp is det worop de door 't wirkwaord besjreve hanjeling drek betrèkking haet inne zin:

  • Jan sleitj Piet.

Bie zelfstenjige naamwäörd, lidwäörd en bieveugelike naamwäörd is gei versjil tösse nominatief en accusatief in 't Limbörgs, mit oetzunjering van in 't Mofers beveurbeildj: d'r/d'n Deivel. Allein nag bie veurnaamwäörd wuuertj óngersjied gemaak tössen 't óngerwirp inne nominatief en 't (liejendj) veurwirp inne accusatief.

  • Ich zeen Jan. (nominatief)
  • Jan zuutj mich. (accusatief)

't Waord ich steitj inne nominatief, de vorm mich is inne accusatief.

Óntwikkeling[bewirk | brón bewèrke]

De accusatief is eine vanne ach oearsprunkelike naamvalle van 't Proto-Indogermaans. Apaarte accusatiefvörm kómme nag veur in 'n aanzeenlik aantaal Indogermaanse spraoke, wie 't Ieslandjs, Pruus (Duutsj), Litouws enne meiste Slavische spraoke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Accusatief&oldid=356160"