Liènwoord

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


E liènwoord ies e woord dat ies euvergenómme oet 'n ander taal. Meistal gebeurt dat umdat 'r gein good woord veur besjteit in de eige taal. Zoa höbbe v'r in 't Nederlands en Limburgs väöl Latiense, Franse, Ingelsje en Duutsje liènweurd.

Liènweurd kènne op 'n gegeve moment zoaväöl eigesjappe van de taal euvernumme, bv in de oetsjpraok, dat 't woord neet miè es liènwoord gezeen weurt. 't Ies dan Verlimburgs (in de Limburgse taal) of Vernederlands (in de Nederlandse taal).

Sjpelling[bewirk | brón bewèrke]

Zoawaal in 't Nederlands es in 't Limburgs were liènweurd (meistal) 't zelfde gesjpeld es in de oarsjprónkelike taal. bv quatsch (naeve kwatsj), dancing, bureau, cadeau. Ouw(er) liènweurd, die "verlimburgs" zint, were zoa gesjreve es ze were oetgesjproke bv. bótter, kiès (oarsjprónkelik oet 't Latien) en soekker of sókker (van 't Arabisch).

Bastaardwoord[bewirk | brón bewèrke]

Es zoan geliènd woord nao verloup van tied tamelik letterlik weurt aangepas aan de taal kalle v'r van e bastaardwoord.

Me sjpriek dan van anglicisme, gallicisme (b.v. "dat kos duur" en "oetgekald" in de beteikenis van oetgesjproke en gekald) (zoan dooreinhaspele van twiè oetdrökkinge hèt ouch contaminatie)), germanisme (b.v. begeesterd), latinisme, amerikanisme enz.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Liènwoord&oldid=377935"