Leopold van Asten
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Venrods, es te dit dialek sjpriks.
Leopold Leonardus Petronella van Asten (Venray, 19 oktober 1976) is 'ne Nederlandse sjprèngruter. Hae woont allewiel in 't Brabantse Duizel.
Van Asten vertaengewoordigde Nederlandj in 2004 biej de Olympische Sjpele in Athene wo hae deil nóm aan de individuele sjprèngwedsjtried en same mèt Gerco Schröder, Wim Schröder en Gert-Jan Bruggink aan de teamwedsjtried. Es individueel bereikde hae mèt zien paerd 'Joel', de 30e plaatsj, mèt 't team woort ein verdeenstelikke veerde plaatsj bereik mèt ein totaal van 24 sjtraofpunte.
Op 11 juli 2009 wón hae, nao eine foutloze barrage, de Groate Pries van Estoril in Portugal mèt zien paerd Santana B, eine Nederlands gefokte merrie door Stal Burg oet 't Brabantse Hoogeloon. Hiejmit leet hae diverse bekende name in de sjprèngsjport achter zich, ónger meë de Braziliaan Rodrigo Pessoa die zösde woort en de Duutsje Meredith Michaels-Beerbaum die neugende woort. Dit waas de zösde wedsjtried in de Global Champions Tour en dae leverde häöm ein bedraag van 136.000 euro op.
In 2003 woort hae Nederlands kampioen mèt zien paerd Think Twice II.