Laptevzieë

Van Wikipedia

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


De Laptevzieë

De Laptevzieë (Russisch: море Лаптевых, sprik oet: móre Láptevych) is 'n randzieë in de Naordelike Ieszieë tösse de kös van Siberië, 't schiereiland Tajmyr, Naordland (Severnaja Zemlja) en de Niej-Siberische Eilande. De naordelike grens löp naeve de Arctische Kaap (79° naorderbreidte en 139° oeësterlengde) en Kaap Anisi. De zieë haet 'n oppervlakde van óngevier 672.000 km². De reveer de Lena is de wiechtigste zeutwaterleverancier.

De Rössische naam beteikent letterlik "Zieë van de Laptevs". De zieë is ouk verneump gewaore nao de naeve Dmitri en Chariton Laptev, die 't gebeed in de 18e ieëw as óntdekkingsreizigers verkende. Doel daovan waas 't in kaart bringe van Oeës-Siberië.

De zieë is 't groeëtste deil van 't jaor bevraore. In mei begint 't ies te smelte en in november is de ganse zieë weer mit ies bedek.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Laptevzieë&oldid=453867"