Lange Jan

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


D'r sjwamende Lange Jan

D'r Lange Jan woar de 135 meter hoeëg sjouw van de Oranje Nassau I. Same mit de Lang Lies woar heë ee van de bekankste boewwirke va Heële. D'r toere woeëd in 1937 geboewd es sjoarsjtee van de elektriciteetscentrale van de Oranje-Nassaukoel. D'r binnekank woar oet baksjtee en d'r boetekank oet beton. De Lang Lies woeëd in 1953 doaneëve geboewd. Wie de koel óp d'r 31e december 1974 touwgóng verleer d'r toere zing functie. Óp d'r 21e augus 1976 woeëd e dan ópgebloaze. D'r sjloop verleep evvel neet gans wie geplaand. Zoeë woeëd 'ne hoeëgsjpanningsmas besjeëdig, oeëdurch e groeët deel van de sjtad oane sjtroom koam te zitte.

Hüj herinnert zich wieënig mieë aan de ouw koel. Óp 't terrein sjteet 't Nederlands Koelmuseum, dat is óngergebrach i ge sjachgeboew van de Oranje-Nassau I. Óp g'n plaatsj oeë de toeres sjtónge, sjeet noe e deel van 't kantoer van 't Centraal Bureau vuur de Sjtatistiek.

Trivia[bewirk | brón bewèrke]

  • D'r Wiel Knipa zóng in 1950 e leedje uëver d'r Lange Jan
  • Bei d'r sjloop verpletterde d'r toere óch e kantoergebuuwke dat zoeëwiezoeë besjtemd woar vuur d'r sjloop. In dit gebuuwke woar ironisch genóg 't Bureau vuur Koelsjaa gevestig.
  • In 2003 goof 't planne um in Heële twieë wólkekrabbers te boewe die d'r naam Lange Jan en Lang Lies zouwe drage.[1]


Extern linke[bewirk | brón bewèrke]

Commons
Op de pazjena Coal mine chimneys in Heerlen van Wikimedia Commons zeen media gerelateerd aan dit óngerwerp te vènje

Brónne[bewirk | brón bewèrke]

  1. Mecanoo ontwerpt twee woontorens in Heerlen Architectenweb.nl, 19 mei 2003
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lange_Jan&oldid=438056"