Kunskrink Henri Jonas

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Kunskrink Henri Jonas ies 'n vereiniging in Valkeberg, die ziech bezighèlt mèt kuns en mèt 't organisere van exposities. De vereiniging woort opgeriech in 1950 door o.a. Jos Frissen, Lei Molin en George Kwakkernaat. De 1e expositie van beeldende kuns vóng in 't zelfde jaor plaats in villa Alpha aan de Plenkert.

De naam kaom van de Mestreechse kunstenaer Henri Jonas, dae op 14 september 1944 waor gesjtorve. Nao 'n bezeuk aan zien bewaard gebleve atelier in Mestreech, kaom 't idee de kunskrink nao häöm te neume.

Exposities[bewirk | brón bewèrke]

Neve etalagetentoansjtèllinge woorte ouch exposities in diverse plaatse en kunstmerte rónd kesjtièl Den Halder georganiseerd. Van 1970 tot 1989 houw de vereiniging 'n sjlaopend besjtoon. In 1989 woort, op initiatief van veurmalig lid Ton Luyten, de krink nuuj leve ingebloze. Van toen aaf volgde wir reigelmaotig exposities o.m. in 't Sjtreekmuseum of museum Land van Valkenburg en ouch de jaorlikse kunsmert kaom in 1991 wir truuk. De krink haet zoan 25 lede.