Kroednoeët

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


E hendje kroednuuet

Kroednuuet zint kling, knapperige keuksjkes die döks vuur en tiedes 't sinterkloasfieës weëde gegeëte. Ze weëde gemaak van bloom, roombótter, soeker en versjeie sjpecerieje, oeë-ónger kanieël. Qua sjmaak en textuur liekent 't produk op sjpikkelaas. Kroednuuet weëde óch verkoch in zakke mit sjtruigood, oeë-i sjuumkes, brósplaat en anger soate hel soekerwirk zitte. Wieër guuef 't vöal soate kroednuuet in d'r handel. Vuural kroednuuet mit 'ne umhölsel va sjokkelaat zint populair.

't Woad kroednoeët weëd döks besjouwd es synoniem va peëpernoeët. Dat is evvel sjtrik genoame neet richtig. Peëpernuuet zint ónregelmieësig gevurmd, weëde gemaak volges 't recep vuur printemenkes (teitei) en sjmake dus hieël angesj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kroednoeët&oldid=452374"