Kloon (internet)

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


'ne Kloon, sóms ouch es 'n zökpoep of zökpóp betiteld, ies 'ne naam veur emes op internet. Es emes ein of miè extra gebroekersname of sjoelname b.v. op 'n internetforum of op Wikipedia haet, weurt dae 'ne kloon geneump. Klone were op internet ouch (nao 't Ingelsj) clone, of sock puppet geneump. Es eine persoon al zien vrung, kènnisse en familielede enz. opreup, um bie te drage in discussies sjpriek me van meatpuppets of vleisjpoeppe.

Doele[bewirk | brontekst bewerken]

De volgende doele, neet of waal legaal of moreel verantwoord, zin te ondersjeie:

  • anonimiteit,
  • rechte (probere te) kriege die 't oarsjprónkelik account neet of mer deils hou of
  • meiningsversjille of conflicte beïnvloede door ziech es 'n zgn. neet rechsjtreeks betrokke partie in de discussie te menge en ónder 't móm van neutraliteit 't zelfde sjtandpunt es de eigelike gebroeker te verdedige, of
  • door 'n discussie mèt ziechzelf te veure, woabie 't alter ego, de kloon, bepaalde sjtandpunte slech representeert, zoadat de eigelijke gebroeker ziech good kènt presentere.
  • bie verkezinge kènt zoane kloon dan miè sjtumme oetbringe.

Herkènne[bewirk | brontekst bewerken]

Sóms ies 't vrie mekkelik um 'ne kloon te herkènne:

  • Door dezelfde IP-adresse
  • Dezelfde interesses;
  • Sjriefsjtiel en dialek, mèt dezelfde sjtopweurd, clichés, aafkortinge, umgangsvörm en opvallende taal- en sjpellingsfoute;
  • Aanvallende umgangsvörm en euverlèktoan;
  • Väöl inmenging in of 't aanzjwumgele van euverlèk veural bie controversieel ónderwerpe.

Zuug ouch[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kloon_(internet)&oldid=341484"