Klassäör

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Klassäör.

'ne Klassäör is 'ne map veur 't ordelik en euverzichtelik opberge van pepiere. Anen ènj vanne neugetieëndjen ieëf óntwikkeldje Louis Leitz 't systeem, kreeg dao patent op en saer doe is de oetvinjing nag inkel kieër verbaeterdj gewaore. d'n Ómslag wuuertj gemaak van staevig karton mit 'n gries-gewoukdje (pepiere) aafwirking. Mer ouch luxer aafwirkinge kómme veur, wie van kónslaer.

Op plaatse wo väöl slietaasj te verwachten is, haet me versterking aangebrach mit metaal, wie d'n óngerrandj wo döks mit wuuertj gesjaove tiejes 't gebroek, de vingergreep inne rögkkantj enne äöpeninge veure bäögelsloeting inne veurkaf.

De bäögelsloeting kan waere geäöpendj mit 'nen höfboum en vervolges kan me 't pepier d'rin staeken of d'roet haole, de bäögel trögk sloete mitten höfboum enne klassäör heropberge. Bie dees mappe zeen versjillige interjäörs verkriegbaar veur 'n indeiling inne map te kónne make. Wen pepiere d'rbie mótten inne map, mótte dees ieës waere veurzeen van twieë perforaasjes. Daoveur zeen perforators inne hanjel die bei gater geliektiejig en oppe juusten aafstandj vanein en van óngeraaf gezeen kónne make.

Oppe rögkkantj (de veurkantj wen de klassäör in 't arsjief steitj) zitj 'n etikèt geplek, worop kan waeren aangegaove waat d'rin zitj. Kènmirkendj aan 'ne klassäör is 't gaat inne rögk det 't oetnummen oet 'n rie aan klassäörs vereinveljig doordet dao 'ne vinger kan waeren ingestaoke (de vingergreep) veure klassäör staevig te kónne vaspakke. Veure veurklep opgeliendj en toegeklemp te haje wen de klassäör is geslaote zeen döks twieë sleuven aangebrach gewaore worin de bäögele valle.

Europese klassäörs zeen meistes oetgeveurdj mit twieë bäögele; Amerikaanse mit drie. d'n Aafstandj tösse de bäögelen is gestanderdiseerdj gewaore.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Klassäör&oldid=370158"