Klaagmoer
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Klaagmoer, de Wèstelike Moer (Hebreeuws: הכותל המערבי HaKotel HaMa'aravi; Arabisch: الْحَائِطُ ٱلْبُرَاق al-Ḥā'iṭu 'l-Burāq) of korteweg de Kotel ("de moer") is e deil vanne aaj wèstelike moer vanne Juudsen tempel oppe Tempelberg; ze ligk inne Juudse wiek vanne aaj stad van Jeruzalem en kump oeten ieësten ieëf, wie d'n Tempel van Herodes aaf woort geboedj.
De moer woort innen achsten ieëf geïntegreerd inne moere vanne Citadel vanne Moskeeje tiejes de boew vanne Rotskoepel enne Al-Aqsamoskee. Dore Joedde wuuert die verieërdj es 'n moer vanne Tempelberg door 't kortbie zeen van 't hèlge van 't hèlge vannen Tempel van Herodes, woveur zie 'm betrachten es de hèlgste plaats veur te baeje.
De Klaagmoer is 'n Israëlisch nasjenaal symboeal gewore wo väöl börgerlike ceremonies plaatshöbbe. Kènmirkendj zeen de breefkes mit gebaejer die de Joedde tösse de stein vanne moer duje.