Kindj

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


E kindj.

Kindj is e waord veur 't jónk van 'ne miens. E kindj óngergeitj 'n óntwikkeling vanaaf zien gebaordje toetdet 't munjig wuuertj. In 't Verdraag vanne Rechte van 't Kindj wuuertj edere miens dae jónger is es achtieën jaor ónger e kindj verstange.

Kindj is ouch 't geslechsloeas begrip veur 'ne jóng of e maedje. Dit waord wuuertj ouch waal gebroek es ze al vólwasse zeen (es in: "Mien kinjer woeanen op zichzelf."). Veur dit waord kump meistes nag e bezittelik veurnaamwaord te staon.

In 't Mestreechs spraeke vrólje (óngeach de laeftied) es bekèndje vanein, zich aan mit "keend", beveurbeildj: Keend, wie geit 't mèt diech?

Mit 't waord "kindj" kan ouch e winjelkindj waere gemèndj. In Wieërt en ómstreke zaet me wicht of wecht.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kindj&oldid=414561"