Kestièl Árse

Van Wikipedia
Naar navigatie springen Naar zoeken springen
Dit artikel is gesjreve in 't Venloos. Ómdat 't plaatsgebónge is, maogs doe 't ómzètte nao 't Árses, as te dit dialek sjpriks.

Boétekant van 't Kestièl Árse
Hoofgebouw Kestièl Árse

Kestièl Árse is 'n döbbel umgrach statig boètehoès in ’t Nederlands Limburgse dörp Árse det allewiel deil oet mak van de gemeinte Venlo.

Beschrieving van 't Kestièl[bewirk | brón bewèrke]

De huidige veurborch steit op de plek van eine in 1646 verranneweerde veurganger en woort in 1653 gebouwd door Marcelis van Gelder, hiër van Árse. Ziene kleinzoon Adolf stichde in 't begin van de 18e ieëuw 't huidige hoofgebouw. Baove de paort van de veurborch prièk unne gebeeldhouwde stein mèt 't alliantiewaope van Gelder-van Lützenrode. Eine van örges anders vandaan gehaolde stein mèt 't alliantiewaope van Gelder-van Nesselrode bevind zich aan de zuudkant van 't plein. 't Kestièl is van bakstein behalve beej de umliésting van de hoofingangk, dae oét natuurstein besteit. 't Hoofgebouw had aanvankelik op de Franse menier twieë veuroétspringende ziejvleugels, maar dae aan de noordkant is nao unne brand in de 19e ieëuw gesloop. 't Huidige kestièl bevind zich in gooje staot, sins 't ônderdeil oetmak van de Kestièltuine Árse. Van de borch die aan 't noow bestaonde kestièl veuraaf ging is vreejwaol niks mièr euver. De restante daovan bevinde zich ten weste van 't huidige kestièl, wat ten noorde van de Wymarse Meule, 'n gerestoreerde watermeule die, met oetzôndering van de wintermaonde, te bezichtige is.

Geschiedenis en bewoeëners[bewirk | brón bewèrke]

In de 14e ièuw ware de Van Bueren's hière van Árse. Door huwelik kwame vervolges de hièrlikheid en 't kestièl in 't bezit van 't geslach Schenck van Nijdeggen en daonao aan de Van Gelder's.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kestièl_Árse&oldid=341580"