Alliantiewaope

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Kesjteël Wolfrath in Houtem Nederland. Alliantiewaope van de felmilies Van Bentinck-Van Breyll

Alliantiewaope femilies von Negendanck-von Bulow

'n Rouwbord mèt 'n Alliantiewaope mèt 't waope van barones Mathilde de Pitteurs-Hiegaerts

In de genealogie bedoelt me mèt 'n alliantie geweunlik ein verdraag of samewirkingsverbandj, veural in de vörm van 'n huwelik. Es biezunjer symbool van 'n huwelik zint mèt name bie kesjteële, adelike hoeze en rouwborde, zoagenaamde alliantiewaopes wobie allebei de femieliewaopes wère geteuënd.

In 'n alliantiewaope is 'n waopeteikening wo-op tweë waopesjilde, sóms mèt hun prónksjtökke zao-es sjildhauwersj samegevoogd tot ein geheël. Ein dergelik waope wirt en woort door 'n echpaar gebruukt. 't Is gebrukelik om 't waopesjild van de echgenote rondj aaf te beelde en aan de lènkerzie te plaatsje. Heraldisch lènks is in 't dageliks laeve rechs.

De tweë sjilde waere gedèk door de rangkroan of de helm mèt 't helmteike van de man. Zie kènne ouch door ziene waopemantjel waere aafgedèk. Went de vrouw 'n hoagere rang in de adel haet dan de man, wirt d’r veur gekaoze óm allebei de waopesjilde mèt 'n rangkroan te bedèkke.

'n Biezunjer heraldies gebruuk bie alliantiewaopes waas 't sjpegele van 't helmtaeke. Hiebie woorte de helmteikes baove de respectieve waopes van de man en vrouw gesjpegeld zoadat ze mekaar aankeke. Ouch de waopenfigure woorte in sómmige gevalle "respectant" op 't sjild geplaatsj, zoa-es dit es vanawts in Duutsjlandj woort gedaon. Dat beteikent dat went de beije echteliede (in de heraldiek femme en baron geneump), 'ne leëuw in hun waope veuren dees tweë leëuwe mekaar altied aankieke. In de meiste gevalle zal de leëuw in 't waope van de baron óm die raeje wère gesjpegeld. ’t Idan ouch 'n heraldies gebruuk dat 'n waopedeer altied nao rechs (dexter) kiek. Bie 'n waopedeer dat nao lènks (sinister) kiek, 'n zoageneump "lion contournée", is d'r sóms, mèr zeker neet altied, sjprake van 'n bastaardij. Ouch kroane en meziekinsjtrumente waere respectant aafgebeeld. De mondjstökke wieze nao 't waopesjild van de partner.

Echgenote kènne hun waope ouch vermeërdere of, zoa-es dat in de heraldiek wirt geneump, paole mèt 't waope van hunne partner.

Bron/Literatuur

• Wiki NL:
• Stephen Slater, "The complete book of Heraldry" London 2002