Keizersjnèt

Van Wikipedia
Naar navigatie springen Jump to search

Dit artikel is begós in 't Norbiks. Laes hie wie v'r mit de versjillende saorte Limburgs ómgaon.


D'r keizersjnèt is 'n meneer öm e keend op 'n operatief en dus nèèt natuurleke meneer, via de vagina, op de waelt te brènge. Mètstens wert dis operatie toegepaast es de moder neet in sjtaot is öm 't keend èèges op de waelt te zètte. Soms kan ooch 't keend zich in 'n urgaente laevesbedreigende situatie bevènge die d'r keizersjnèt vereist. Vreuger makde me 'ne sjnèt dwaeërsj över d'r boek. Huutsedaag wert öm esthetische raejes gekaoze vör d'r bikinisjnèt. D'r keizersjnèt is de mèts oetgeveurde operatie op de waelt.

D'r naam[bewirk | brón bewèrke]

D'r naam zow truukveure op Julius Caesar, dae volges de legende op dis meneer gebaore zow zieë. Dit wert evvel betwiefeld. D'r örsjte besjraeve keizersjnèt sjtamt oet Zjwitserland, oeë 'n vrow roond 1500, nao groeëte barensweeje geholpe zow zieë dör häöre maan. Ze hersjtèlde en brach nog vief keender op de waelt.

Keizersjnèt bie keuj[bewirk | brón bewèrke]

Dr. Jaak Nijssen va S'n Maeëte veurde es örsjte in z'n ömgaeving 'ne keizersjnèt oet op 'n rechsjtaonde koo. D'r Blanc-Bleu de Belge, 'n Belsj dikbilras, mèt vlèèsj van 'n hieël hoeëg biologische kwalitèèt, wert ömmer mèt 'ne keizersjnèt gebaore.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Keizersjnèt&oldid=205932"