Sjnoep (infectiekraenkde)
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
De sjnoep of n kaw, n kou (Nederlands: verkoudheid; Vlaandere valling) is 'n virusinfectie van 'n rhinovirus of coronavirus an de lochwaeg.
Rhinovirusse zeunt övveraal ömmer aanwezèg, mae oonder normaal ömsjtandèghede zeunt ze nèèt in sjtaot öm 't sjlijmvlies in de naas te besjmette.
Rhinovirusse mutere enorm flot. Dit zörgt d'r väör dat 't övverwinne van de sjnoep sjlechs töt 'n hieël korte immuniteit va èng töt twieë waeëke, leit. Ooch haant de flotte mutaties, die groeëtendeels neet succesvol zeunt, es gevolg dat rhinovirusse allèng boete 't lief gekweekt kènne waeëre. De rhinovirusse kènne daobie erg sjlech taege wermde. D'r owwe techniek van 't daampe mèt 'ne haanddook baove 'ne koomp dampend water - mèt get viecks d'r in of thijm - kan 'ne effectieve techniek zieë öm de sjnoep get te verlichte ömdat 't ooch hèlpt öm d'r naassjliem los te make.
De kaw is bij de mins 'n liechte krenkde, die allein bij 'n irnsteg verzwaak aofweersysteem (zoewie bij Aidslijers) ech gevierlek is. Bij aander diersoorte is dat dèks neet zoe: bij peerd kin 't rhinovirus tot verlaming lije,[1] bij chimpansees zelf tot d'n doed.[2]