Kamala Harris

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Harris' officieel portret es viceprizzedent vaan de VS (5 miert 2021)

Kamala Devi Harris (sprik oet: Kemmelaa Deevie Herris; 20 oktober 1964, Oakland te Californië) is 'n Amerikaans polletika en de 49e Viceprizzedent vaan de Vereinegde Staote vaan Amerika (VS). Zie is daomèt d'n ierste vrouweleke viceprizzedent vaan de VS en de hoegs-gepositioneerde vrouw in de Amerikaanse polletieke historie. Daoneve is zie ouch d'n ierste gekläörde viceprizzedent: zie heet etnische wortele in Afrika én in Azië.

Es lid vaan de Democratic Party waor zie senator naomes Californië vaan 2017 bis 2021 en as procuräör-ginneraol (attorney general) naomes Californië vaan 2011 bis 2017. Harris woort viceprizzedent veur VS-Prizzedent Joe Biden in jannewarie 2021, naotot zie twieë d'n toen regerende prizzedent Donald Trump en viceprizzedent Mike Spence vaan de Republican Party hadde verslage in de Amerikaanse verkiezinge vaan 2020.

Es senator stoond zie bekind um häör veurstendersjap veur gezoondheidszörghervörminge, 't fidderaol touwstoon vaan kemp veur recreatie, vergemekeleking vaan 't verkriege vaan börgersjap veur immigrante (de zoegenaomde DREAM Act), 't verbanne vaan versjèllende waopes en 'n progressieve hervörming vaan 't belestingsysteem.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kamala_Harris&oldid=460872"