Kalkwèj

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


'n Kalkwèj is 'n besjermd klèè laandsjapselemaent in 't Mergelland, 't Laand va Herf en d'r Belzje Voersjtrieëk. Boete dis driej gebiede keumt dit landsjapselemaent in Nederland en Belsj neet väör. Op dis hellinge gedèjje wiengaarde good.

Kalkwèjje zeunt wèjje, die óp de hellinge liegke ter huuëgde van de krietlaog en neet bemès maoge, mae waal begraasd mótte, waeëre. Op die meneer kriet me 'ne äörme groond dae zurgt väör 'n unieke biodiversitèèt, de groeëtste versjèjjenhèèd an wil plaante, blome en dere in 'ne Europese biotoop. Op de op 't zuide gerichde, sjtijl hellinge van de a-symmetrische, in d'r lètste iestied oontsjtande, dale vint me 'n sub-tropisch microklimaat en plaante en dere die op die plaatsje hun mèts noordeleke grens haant. Zoewie orchideje, marjolein mae och de wiengaardsjlek die kalkriek voedsel nuëdeg haat um 't hoes te boewe. Och d'r rieraank is 'n plaant die aafhankelek is va kriet in d'r groond, zjuus wie d'r haof-parasiet, d'r hamsj.

Aander types wèj:

  • Bóngerd, 'n wèj mèt hoeëgsjtamfreutbeum
  • Bebeusjde wèj, 'n wèj in d'r övergaank tösje wèj en beusj mèt beum en blome die ooch in d'r aangrenzende beusj väörkaome. 'n Good behaowe bebeusjde wèj is te vinge rechs an d'r dalende waeg va Ulvend nao S'n Maeëte of bekaans baove an d'r vaeldwaeg va Kweente, via Berg en Dal, nao g'n Èèke.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kalkwèj&oldid=180990"