Juffer-zónger-Kop

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Juffer-zónger-Kop is 'n sage die, in väöl dörper die vreuger toet 't Amb Mofert behuuerdje, opgank duit. De sage verhaoltj euver Caecilia van Hamal-van Elderen (±1430 – 1498?), de weduwe van d'n drosserd van Wasseberg, Willem van Vloearep (1410 – 22 januari 1493). Nao zienen doead blief de juffrouw van Hamal drostinne. Zie waas van de börch van Mofert verdrónge door Robrech van Aremberg. 't Wederechtelik verdrieve van häör is de gróndjslaag gewore van dees sage.

Gesjiechte[bewirk | brón bewèrke]

Caecilia van Hamal haet zich daonao mit inkel getroewe trökgetroch in 't Slötje. Dit is e kestieëlke in de Door bie Ech, tösse Ech, Zöstere en Detere. Dit höbbe ze mit man en mach trachte te verdeidige, meh de luuj zoge det dit häör 't laeve ging koste, det de situatie ónhaadbaar waas. Wie de juffrouw neet toe wól gaeve, zów 't zoea wied gekómme zeen det häör eige mansjappe häör 't laeve benómmen höbbe.

De sage löp det van de börch van Mofert, 'n juffrouw verdreve waas gewore die häör sjatte begraven haw. Volges Moferter laezing waas det innen Duvelsbaantj, op paar hóngerd maeter vanne ruïne. De Echter laezing zaet det 't bie 't Slötje waas. 't Verhaol is det die juffrouw later ónthoof is gewore, en róndjdooldje op zeuk nao häöre sjat.

Dao is 'n laezing van ajer luuj det zie 'n verbóndj haw geslaote ieër ze vertroch mitten duvel. Det heel in det zie neet sónger zien mitweite de sjat zów opgrave, want ze zówwe deile same. Dao-op zwaerdje zie mit de linkse handj op 'ne stein van de grawwen tore, de verdeidigingstore van kestieël Mofert.

Op dae stein is 'nen indrök van 'n vrouwehandj te herkinne, mit dudelik zichbaar de 4 vingers, doem en d'n handjmoeskel. Deze is te zeen op get hoeager es sjouerhuuegdje, op 't puntj wo ze d'n Duvelsbaantj kan zeen.

Weiteswaerdigheid[bewirk | brón bewèrke]

  • In 2005 is op Kestieël Mofert 'n korte speelfilm opgenómme róndj dees sage. De film verhaoltj euver 'n archaeologe op 't kestieël van Mofert die de sage obbernuuts belaef.

Zeentj ouch[bewirk | brón bewèrke]

Brónne[bewirk | brón bewèrke]

Extern link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Juffer-zónger-Kop&oldid=424201"