Johan Pas
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Johan Pas is 'nen oonderwiezer, raodslid bij de Gemeinte Mestreech en de fractieleier vaan de lokaal D66-aofdeiling. In de Raod is heer ouch de woordveurder vaan de thema's Bestuur en Oondersteuning, Veiligheid en Cultuur.
In 2018 woort heer börgerlid vaan D66.
Op 16 april 2019 stapde Franca Eurlings op es fractieleier vaan D66 in de gemeinteraod vaan Mestreech. Zie waor de ierste vrouw die dees positie had in de Mestreechse partij. Häör werk in de provincie Noord-Braobant bleek neet te combinere zien mèt häör raodslidsjap. Johan Pas naom de positie euver.
Nao 'n intern stömming tösse häöm, Harald Barendse en Guido Mertens woort heer pas op 3 juni 2021 oetgerope tot de nuie liestrèkker vaan D66 Mestreech. Heer woort verkoze door alle D66-leie woenechteg in Mestreech en 't Heuvelland.