Jerevan

Van Wikipedia
Gank nao: navigatie, zeuke

Dit artikel is gesjreve in 't Heëlesj. 't Weurt gewaardeerd óm in dit artikel 't Heëlesj aan te hauwe of aan te gaeve welk anger dialek gebroek is.


Jerevan, mit óp d'r hingergrónk d'r Ararat

Jerevan, Yerevan of Erevan (Armeens: Երևան, Jerewan) is de hoofsjtad van Armenië en de groeëtste sjtad van 't lank. De sjtad woeëd gesjtich in 782 vuur Christus, en doamit is ze ee de aodste sjteë ter welt. De sjtad ligk aa g'n revier de Hrazdan, óp 'n hoeëgte van tussje de 950 en de 1.300 meter. Vanoet de sjtad kin me d'r Ararat zieë i Törkieë. D'r 5.137 meter hoeëge berg gild es nationaal symbool vuur Armenië. Jerevan houw in 2011 1.060.138 iwuënesj.

Gesjichde[bewirk | brón bewèrke]

Jerevan is óntsjtange in e rilletief vlaak en vruchbaar gebeed. In 782 vuur Christus loot d'r Argisjti I, kuëning van 't ouw Armenië, e fort boewe óp 'ne huëvel, deë Arin Berd heesj. Vanaaf d'r huëvel kós me 't vlake lank ten zuje doava, gesjik vuur lankboew en beboewing, good uëverzieë. Óch deende 't fort es noardelige grens va zieng riek. 't Fort kreeg d'r naam "Erebuni" en is óch naamgeëver va de sjtad. In 658 koam 't i heng va de Arabiere. De Törkse Seldzjoeke oet Centraal-Azië vólgde i d'r elfde ieëw, meh houwe 'n betrekkelig kótte bluiperiode. I de sjpieër middelieëwe woar Jerevan twispunt tussje 't Ottomaans Riek en 't Perzisch Riek, vuural weil de sjtad aa 'n wiechtige handelsroute loog. De sjtad wisselde tussje 1513 en 1737 meh leefs veertieën maal va machhöbber. Óp 13 oktober 1827 koam Jerevan i heng van 't Russisch Keizerriek. I d'r nuëgetieënde ieëw en twintigste ieëw is de sjtad hieël hel gegruid, wat te verklaore is durch d'r exodus van Armene oet Anatolië en 't Midde-Oeëste es gevólg van de Armeense Genocide in 1915 en ieëder vólkermoarde óp Armene. Óch 't öape Russische beleid sjtimuleerde de vestiging van vöal etnische Armene i g'n sjtrieëk, dewiel 't aatal etnische Azerbeidzjane en anger gróppe die zich gevestig hant i d'r Perzische en Ottomaanse tied hendig aafnoom.

Noa de Oktoberrevolutie van 1917 woeëd de Transkaukasische Republiek oetgereupe, meh kót d'rnoa woeëd de ieësjte Armeense Republiek oetgereupe. 't Roeë leger bezatte i november 1920 de sjtad, oeënoa ze i g'n Sovjet-Unie bleef. Tiedes 't Sovjet-bewind, dat bis d'r val van 't communisme in 1991 doorde, woeëde vöal historische geboewe gesjprengd. Dit betróffe vuural relizjieuze boewwirke: dök ieëwenaode kirke en kathedrale.

Galerie[bewirk | brón bewèrke]

Links[bewirk | brón bewèrke]

Commons
In de categorie Yerevan van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Jerevan&oldid=415769"