Jef Lataster
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Heëlesj, es te dit dialek sjpriks.
Jozef (Jef) Lataster (Haerle, 27 juli 1922 - Hölsberg, 16 september 2014) was eine veurmalige Nederlandjse atleet, dae zich hej toegelag op de lang aafsjtenj. Haj naom names Nederlandj eine keer deil aan de Olympische Sjpele, in 1948 in Londe. Biej dees gelegeheid waas hae neet erg succesvol. Gedoerende zien atletiekloupbaan behaolde hae èlf Nederlandse titels en verbaeterde hae drie keër 't Nederlandse record op de 10.000 m.
Biografie
[bewirk | brón bewèrke]Begin van zien loupbaan
[bewirk | brón bewèrke]Lataster waas lid van de Haerlesje atletiekvereiniging A.V.O.N.. Hae leep zich veur 't eësj internationaal in de kieker biej de Èngelsje AAA-kampioensjappe in 1947 in Londe wo hae oetkaom op de 3 Èngelsje miel. Hae bekroande dit optraeje mèt ein klinkende euverwinning in 14.20.00 min. Ómgeraekend nao de 5000 maeter kaom ’t erop neer dat hae eine tied van ruum ónger de 15 minute zouw höbbe geloupe. Boete Wim Slijkhuis waas dit nog noats eine Nederlander gelök.
In 't zelfde jaor 1947 veroverde Lataster de eësjte van zien in totaal èlf nationale titels. In Amsterdam wón hae biej de Nederlandse Kampioensjappe mèt euvermach en heël sjtielvol en beheërsjt loupend, de 5000 maeter. Ein jaor later zouw hae op deze aafsjtand tweëde waere, mèr veroverde hae waal de Nederlandse titel op de 10.000 maeter in eine Nederlandse recordtied van 31.30.08 min. In de jaore die volgde zouw hae nog neuge titels aan zien palmares toevoge.
Olympische Sjpele
[bewirk | brón bewèrke]Mede door dees prestaties woort Lataster in 1948 oetgezónje nao de Olympische Sjpele van 1948 in Londe. Hae kaom hiej oet op zoawaal de 5000 es de 10.000 m. Op de 10.000 m, die direk es finale woort aafgewirkt woort hae, naodat hae eine achtersjtand van bienao tweë runj hej opgeloupe op de latere winnaer Emil Zatopek, door ein vergissing van de runjetèllersj ein runj te vreug oet de sjtried genómme. De 9600 maeter die hae hej aafgelag hej hae precies in 31 minute geloupe. Winnaer Zatopek hej de wedsjtried in ein nuuj Olympisch record aafgelag van 29.59.06 min.
Op de 5000 m, wovan de series eine daag nao de 10.000 m plaatsjvónje, eindigde hae mèt eine tied van 15.39.00 es zevende in de kwalificatierunjes. Mèt deze tied waas hae veur wiejer deilname oetgesjlaote. Hiebiej mót waere aangeteikend dat hae gedoerende zien race woort gehinjerd door ein blaor ónger ziene voot, die hae de daag eërder op de 10.000 m hej opgeloupe.
Taengesjlaag
[bewirk | brón bewèrke]Nao 1948 zouw Lataster nog veer keer Nederlands kampioen waere op zien favoriete aafsjtand, de 10.000 maeter. (1949-1952). Desóndanks kènde zien loupbaan es atleet in de aanvank van de 1950-er jaore ein grillig verloup. In 1951, wiej hae de ein nao de anger nederlaog moosj incassere, leek 't d'r op dat hae zouw sjtoppe. Mer consciëntieus doorgeveurde, systematisch opgezatte traininge en aanmódiginge door diverse sjportvrunj, brachte de inmiddels nao Zitterd verhoesde atleet weer d'r boave op en hae maakde eine sjoane come back biej eine wedsjtried in Brussel. Óndanks dat sjlaagde hae d'r neet in óm zich te kwalificere veur de Olympische Sjpele van 1952 in Helsinki. Hae kroog van de Atletiekunie 't verwiet dat hae zich de selectiewedsjtrieje veur de Sjpele ónvoldoende hej gemanifesteerd.
Lètste jaore
[bewirk | brón bewèrke]Wiej hae zich neet hej kènne kwalificere veur de Sjpele leek 't 'r op dat hae zien spikes weer aan de wilge zouw hange. Toch kroop 't blood wo 't neet koosj gaon, want begin 1954 goof Jef Lataster opnuuj acte de présence en, mer noe op de discipline van de crosses. Es aanloup nao de Nederlandse veldjloupkampioensjappe, leep hae nao ein magistraal euverwinning in eine cross in zien gebaorteplaatsj Haerle, wo hae de voltallige concurrentie bienao ein minuut veurbleef. 't Bleek aevel de lètste groate prestatie van de sjtielvolle Limburger dae, wiej hae ouch de Europese kampioensjappe in Bern aan zich veurbiej zaog gaon, zien spikes opnuuj en dit keër veurgood aan de wilge hóng.
Kampioenschappen
[bewirk | brón bewèrke]Nederlandse kampioensjappe
[bewirk | brón bewèrke]- 5.000m - 1947
- 10.000 m - 1948, 1949, 1950, 1951, 1952
- veldjloupe (korte aafsjtand) - 1949, 1950
- veldlopen (lange afstand) - 1950, 1951, 1954
Perseuënlikke records
[bewirk | brón bewèrke]- 5.000 m - 14.59.04 - 1949
- 10.000 m - 31.30.08 (ex-NR) - 10 juli 1948 (Eindhove)
Nederlandse records
[bewirk | brón bewèrke]- 10.000 m - 31.45.08 - 25 september 1947 (Oslo)
- 10.000 m - 31.45.02 - 30 mei 1948 (Utrech)
- 10.000 m - 31.30.08 - 10 juli 1948 (Eindhove)