Inglourious Basterds

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Inglourious Basterds (expres fout gesjreve, eigenlek moot 't zien: Inglorious Bastards) is 'ne film vaan Quentin Tarantino oet 2009, en woort geproduceerd door Lawrance Bender. Tarantino heet de film zoewel geregisseerd es gesjreve. De hoofrolle weure gespäöld door de aktäörs Brad Pitt, Mélanie Laurent, Mike Myers, Diane Kruger en Eli Roth. Wat de film veural populair heet gemaak is 't dreitaoleg verhaol. In de film weurt veurnaomelek Duits en Ingels gesproke. Mer ein verhaollijn is zjus Frans.

't Verhaol[bewirk | brón bewèrke]

't Is 1941. In 't door Duitsland bezat Fraankriek is Shosanna Dreyfus getuige vaan de brute moord op häör femilie, oonder leiding vaan nazi-kolonel Hans Landa. Ze weit mer zjus te oontsnappe en vlöch nao Paries, boe ze 'n nui identiteit aonnump en e filmtheater geit runne. Oondertösse, örges aanders in Fraankriek, is 'n joedse gróp soldaote, oonder leiding vaan Lt. Aldo Raine bezig mèt 't numme vaan wraak op de nazi's. De gróp die bij de vijand bekind steit es 'The Basterds', zejt angs door de nazi's op brute wijs te vermaore. Mèt de hölp vaan de Duitse actrice Bridget von Hammersmark oondernumme ze 'n missie um de leiers vaan 't Derde Riek oet te sjakele bij 'n Duitse filmpremière in 1944 in 't filmtheater vaan Shosanna Dreyfus, boe ouch Shosanna zelf häöre kans sjoen zuut um wraak te numme...

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Inglourious_Basterds&oldid=457968"