Infraroead

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Infraroeadbild van 'nen hóndj mit temperatuursjaole. De luppe, tóng en ouge zeen 't wermste, meh de naas is kaad.

Infraroead of infraroeaj straoling is 'n elektromagnetische straoling die neet waornumbaar is veur 't oug mit golflingdje tösse zoeaget 780 nanomaeter en 1 mm (106 nm), dus tösse 't (zichbaar) roead leech enne microgolve.

Döks wuuertj 't golflingdjegebied van 780 nm toet 10 micromaeter aangeduudj mit bao-infraroead, van 10 toet 30 µm mit middel-infraroead, van 30 µm toet 300 µm mit wied-infraroead en van 300 µm toet 1 mm mit sub-millimaetergebied. Infraroead mèntj "ónger 't roead", ómdet de frequentie van infraroeadstraoling get leger ligk es die van 't roead.

William Herschel óntdèkdje in 1800 't infraroead door mit 'nen thermomaeter de temperatuur te maete van 't spectrum van leech det door e prisma vool. Hae stalj vas det de temperatuur in 't roead deil van 't spectrum hoger was es in 't blaw deil. In 't deil van 't spectrum det wiejer es 't roead laag maat t'r 'n nag hoget temperatuur en hae concludeerdje det in dit deil van 't spectrum leech besteitj det neet veur 't miensjelik oug waor te nummen is.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Infraroead&oldid=373723"