Ikonos

Van Wikipedia
Gank nao: navigatie, zeuke

Dit artikel is gesjreve in 't Venloos. 't Weurt gewaardeerd óm in dit artikel 't Venloos aan te hauwe of aan te gaeve welk anger dialek gebroek is.


Op 24 september 1999 vond de lancering van de iërste commerciële hoëge resolutie satelliet plaats. Dees remote sensing satelliet, Ikonos, genereert dageliks beelde van 't aerdoppervlak met ein hoeëge resolutie. De beelde hebbe ein ruumtelikke resolutie van 1 maeter (panchromatisch) en 4 maeter (multispectraal). Ikonos wuuërd operationeel in bedrief gehalde en gemanaged door European Space Imaging (EUSI) waat ziene zaetel beej München, in Beieren-Duitsland haet.

Ikonos volg ein polaire, circelvormige baan um de aarde die zónsynchroon wuuërd geneump. Ikonos vluug op 681km baove de aerd. Met zien sensore bestriek Ikonos ein breidte van maar leefs 11km. 't Totaal gewich van de satelliet is ruùm 700kg.

Met de lancering van dees satelliet is ein niej tiedperk aangebraoke, waobeej ouk d'n gewoeëne börger miër en miër de beschikking krièg euver hoeëgwaerdig beeldmateriaal oét de ruumte.

Ikonos haet veer kanale die opgenaome waere in 't zichbare spectrum en in 't naobeej-infraroëdspectrum:

  • Kanaal 1: blauw (0,45 - 0,52 µm)
  • Kanaal 2: greun (0,52 - 0,60 µm)
  • Kanaal 3: roëd (0,63 - 0,69 µm)
  • Kanaal 4: naobeej-infraroeëd (0,76 - 0,90 µm) Dit wuuërd aangeduùd met NIR veur "near infrared".

Dees veer spectraalbend hebbe ein resolutie van 4 maeter aan de grónd. De satelliet is ouk in staot om gelièktiedig ein panchromatisch kanaal op te neme met ein resolutie van 1 maeter.

Kiek ouk: European Space Imaging:

Interne link: Lóchfotografie

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ikonos&oldid=339894"