Ieslenjers
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Ieslenjers (Ieslandjs: Íslendingar) vörmen e Germaans vouk det van Ieslandj aafkump; zie höbben 't Ieslandjs es moderspraok en deilen 'n gemeinsjappelike kultuur en gesjiechte. Op Ieslandj make zie zoea 93% vanne bevölking oet. Werreldwied guuef 't zoea 450.000 Ieslenjers, wovan 8.200 in Denemarke, 7.800 in Noorwaeg en 5.200 in Zwede. Wiejer guuef 't väöl luuj mit Ieslandjse kómaaf in Canada enne Vereinigdje Staote.
De Ieslenjers es vouk óntstónge wie de Vikinge róndj 't jaor 900 zich vestigdjen op Ieslandj, dao vermingdje zie zich in klènder maot mit Ieren en Sjotte.
De Ieslenjers zeen van vernamelik lutheraans, al guuef 't e klei deel kattelieke. Allewiel bekieërtj e deil Ieslenjers zich trögk nao 't Germaans heidendóm.
Doordet de Ieslenjers veur e groeat deil aafstamme vanne oearsprunkelike koloniste van 't eilandj zeen zie genetisch gezeen betrèkkelik homogeen. Wiejer is häör genealogie good vasgelag gewore, wodoor zie döks óngerwerp zeen van genetische vörsjing.
Verwantje völker zeen de anger Naord-Germaanse völker, wie de Faeröerders, de Nore, de Zweden enne Dene. Get wiejer verwantj zeen de Ingelse, de Nederlenjers, de Vlaminge, de Luxembörgers enne Duutsjers.
Bekandje Ieslenjers
[bewirk | brón bewèrke]- Halldór Ásgrímsson - politieker
- Hafþór Júlíus Björnsson - aktäör en bodybuilder
- Björk - zengerin
- Leif Eriksson - óntdèkker van Amerika
- Ágústa Eva Erlendsdóttir - aktries en zengerin
- Alfreð Finnbogason - foebbeler
- Ólafur Ragnar Grímsson - prizzendèntj van Ieslandj
- Eiður Guðjohnsen - foebbeler
- Arnór Guðjohnsen - foebbeler
- Hannes Hafstein - ieëste minister-prizzendèntj van Ieslandj
- Arnaldur Indriðason - sjriever
- Baltasar Kormákur - aktäör en rezjissäör
- Friðrik Ólafsson - sjaker
- Sigur Rós - meziekband
- Kolbeinn Sigþórsson - foebbeler
- Gylfi Sigurðsson - foebbeler
- Emilíana Torrini - zengerin