Hubert Goltzius
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Hubert Goltzius (1526-1583) waor 'ne humanis, gebore in Venlo, dae in de 17e ièw bekènd waor es historicus en es kènner van Romeinse munte en penninge. E waor 'ne lieërling van Lambert Lombard en kaom oet 'n familie van kunstenaersj aafkómstig van 't Duutsj. Bekènd ies ouch ziene nónk Hendrick Goltzius. Hubert en Hendrick sjiene nog al ins verwieseld te were, betreffende hun aafbeelding ('n medaillon op 't sjtadhoes van Venlo, te danke aan Hubert, ies van Hendrick) en hun oeuvre.
Marcus Laurinus oet Brugge (Belsj) gaof Hubert de gelegenheid um reize door Europa te make um humaniste op te zeuke. Vanaaf 1557 sjreef hae euver 't humanisme. De ièrsjte werke versjene, postuum, bie Jacob de Bie in Antwerpe in de jaore 1617-1620.
In Venlo höbbe ze nao häöm de Goltziussjtraot en 't Goltziusmuseum geneump. Dat lètste ies allewiel 'n ónderdeil gewore van 't Limburgs Museum.
Goltziuspenning
[bewirk | brón bewèrke]De Goltziuspenning weurt, saer 2004, ins in de twiè jaor oetgereik aan 'ne persoon of 'n insjtèlling, dae of die ziech verdeenstelik haet gemaak veur 't behoud van cultureel erfgood in Limburg. Daegeen dae de penning kriet, weurt geach mèt 't geld (wir) Limburgse cultuur (van zien keus) te sjteune.
't Óntwerp van de penning ies van de Mestreechse beeldhouwer Appie Drielsma.
Dragersj van de penning zint:
- 2004 Heemkundevereiniging Maas- en Swalmdal
- 2006 Camille Oostwegel oet Houtem