Homeros

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Buste vaan Homeros, Romeinse kopie (2e iew) vaan e Grieks orizjineel (2e iew veur Christus)

Homeros (Latien Homerus) waor 'ne Griekse diechter dee in de achste iew veur Christus geleef moot höbbe. Heer is veural bekind vaanwege twie epische gediechter vaan naoventrint 12.000 veerze: de Iliaad en de Odyssee. Bei gediechter zien gesjrieve in 'ne veersvörm dee bekind steit es hexameter. De Iliaad besjrief d'n oorlog roond de stad Troje en de Odyssee geit euver tien jaor die Odysseus dreuver deit um nao de val vaan Troje zie land te berieke. Dees verhaole speule wel veerhoonderd jaor ietot ze weure opgesjrieve, umtot in deen tied nog gein sjrifteleke traditie bestoont.

Persoen Homeros[bewirk | brontekst bewerken]

Euver zien persoen is niks bekind. Vaan häöm woort in de klassieken tied gezag tot heer blind waor, meh waorsjijnlik is dat neet, waor 't ouch meh umtot heer es auteur vaan 't wèrk bekind steit. Bovedeen weurt heer op de vreugste aofbildinge nog mèt ope ouge aongetroffe.

De oongeluiflike lengde vaan bei wèrke heet negentiende-ieuwse wetensjappers doen gluive tot ze iers in kleinen umvang opgesjrieve woorte en daonao waore oetgebreid. Ouch verworpe die euver 't algemein 't bestoon höbbe vaan de persoen Homeros. Evels höbbe etnologische oonderzeuke nao volker zoonder sjrif aon 't leech gebrach tot 't ziech rappelere vaan zoeväöl veerze neet oonmeugelek is. Ouch de oontdèkking vaan de ruïnes vaan Troje door Heinrich Schliemann heet väöl scepsis weeggenome.

Homerisch Grieks[bewirk | brontekst bewerken]

Homeros is d'n ajdste vaan alle diechters in de Griekse taol. Awwer documinte zien 'rs wel, meh die zien kort en neet lierair. De archaïsche taol vaan Homeros versjèlt dudelek vaan 't klassieke Grieks. De versjèlle zien: bekaans gaaroet oontbreke vaan artikele, 't bestoon vaan 'nen dualis en 't oontbreke vaan 't augment in d'n aoristus.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Homeros&oldid=350382"