Troje

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Rwiens van Troje.
De versjillige archeologische laoge van de sjtad.

De sjtad Troje (Grieks: Troía (Myceens to-ro-ja (?), Τροία, of Τροίη, Υρωΐα) / Ílion Ἴλιον; Latien: Troia / Ilium; Törks: Truva; Hettitisch: Taruisa / Wilusha) waas gelangen tied allein bekind oet verhaole in de mythologie, wie de aaj Griekse heljedichte Ilias en Odyssee van Homerus en 't Latiens heljedich Aeneis van Vergilius.

Locatie[bewirk | brón bewèrke]

Troje ('t hujig Hisarlık) loog biezunjer sjtrategisch in 't naordwèste van 't hujig Törkieë aan de Dardanelle. De Dardanelle verbinje de Egeïsche Zee mit de Zee van Marmara. De zee kwaam tót kórtbie de óngersjtad en men waas daovan verzekerd van 'ne helle betroewbare windj veur hanjelssjeper. Waal is ummer 'n zeker maot van twiefel gewaes of 't opgegrave Troje waal groot zat waas veur 't Troje van de Griekse sjrievers. Wo Homerus Troje en Ilion es ein sjtad betrach zeen anger sjrievers die det neet doon. Es Homerus 't verkeerd hej, den ligk d'r ofwaal op 'n anger plaats aan de Dardanelle, ofwaal wiejer eweg nag 'n tweede, meugelik grótter, Ilium of Troje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Troje&oldid=370375"