Hoeskat

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'n Hoeskat.

De hoeskat (Felis catus), meistes kórtewaeg kat geneump, is ei vanne aadste hoesdere vanne miens en behuuertj toete katechtige (Felidae). 't Guuef bewies det de Egyptenere al 2000 veur Christus de kat es hoesdeer hawwe. Ómdet katte gooj jaegers zeen, woorte ze gedomesticeerdj veure graanveurräöj vanne luuj taenge knaagdere, wie ratten en muus, te besjurme.

Bieje Egyptenere waas de kat 't symbool vanne vröchbaarheid inne vorm vanne kattegodin Bastet (sómtieds: Bubastet). De kat sting in hoeag aanzeen en luuj die 'n kat kepótmaakdje of mishanjeldje woorte zwaor gestraof. Katte woorte bieje Egyptenere gemummificeerdj en biegezatj.

Veure Romeine wore de katten ouch hieël wichtig en woorte ze besjoewdj es besjurmers van häör bezit.

Bieje Christine wore katte neet hieël geleef, ómdet ze populair wore bie heidense völker. Inne veertieëndjen ieëf woorte katte, ómdet ze in verbandj woorte gebrach mit hekserie, in groeate aantale verbrandj. Gevolg waas 'n explosie van 't aantal ratten en daomit wersjienlik ein vanne oearzake vanne pesepidemieje.

Allewiel wuuertj de kat meistes gehajen es gezelsjapsbieës mitte biekómstigheid det die 't hoes vriehèltj van muus.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hoeskat&oldid=358736"