Hoes Laor
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
't Hoes Laor (Nederlands: Laar), gelege aan de Gelaenbaek tösje Hèllebrook en Gebrook, ies in de 13e ièw ein lièn van de abdij van Rolduc. In 1262 behuèrt 't aan Gerard van Scheringen. In 1383 weurt ridder Gerard van Riètersjbaek (Gerieësjbrich) es liènhièr geneump. Diet gesjlach houw ouch 't good Hèllebrook in eigendóm. In de 17e ièw kump 't in heng van jónkhièr Reinier van Agris. 't Dan al vervalle hoes zal in de 18e ièw verdwiene. Op 'n kaart oet 1823 zint allein de grachte en de veurbörch nog te zeen. De pachhaof weurt ouch in de 18e ièw aafgebroke en vervange door de hudige nuujboew. De familie Drumme oet Wienesrao weurt in de 2e hèlf van de 19e ièw de eigenaer.
De carrévörmige Haof Laor, euverbliefsel van 't Hoes Laor, ies gelege in de buurtsjap Laor in de gemeinte Nut in Zuud Limburg. Nao de aanlèk van de A76 liek de haof ingeklemp tösje 't sjpoor en de autobaan.