Hertog

Van Wikipedia

Dit artikel is gesjreve (of begós) in 't Breuker. Laes hie wie v'r mit de versjillende saorte Limburgs ómgaon.


'ne Hertog is 'ne hoeëge adellike of sóms ooch vórstelike titel in Europa, hoeëger es 'ne graaf meh liëger es 'ne kuëning. 'ne Vrouwelike hertog heit 'n hertogin, es ooch de vrouw van 'ne hertog.

Oersjprunkelik waor 'ne hertog 'ne Germaanse legeraavoorder daeë gekaoëze woert i tieje va kreeg. Bie de Franke waor 't ooch d'r besjtuurder van e besjtimd gebeed, en dizze titel woert later erfelik. Naoë óngevaeër 1700 woert d'r titel hertog ooch vergaeëve aa miensje die biezónger prestaties gelieëverd houwe en waor de titel losgemaak va landerieje wie dat vreuger waor.

Väöl hertogdómme in d'r ouwe beteikenis zint later verhaeëve tot kuëninkrieke of opgegaoë i groeëtere rieke. Sómmige leng zint nog verdeild i hertogdómme. Luxemburg is nog ummer 'n ónaafhenkelik groeëthertogdóm.

't Belsj en Nederland kinne nog 'ne symbolise hertogtitel; zoeë waert de Belsje kroeënprins d'r Hertog va Brabant geneump en 't Nederlandse sjtaatshoof d'r Hertog va Limburg.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hertog&oldid=447603"