Herrebleujing

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Herrebleujing óntsteit wen e bloodvaat in 't herre aopbers. Inne vouksmóndj sprèk me ouch waal van 'ne slaagaanval. Es det gebeurtj wuuertj e deil van 't herreweefsel euverspeuldj mit plasma-eiwitte en roeaj bloodcelle, det weefselsturfdje es gevolg haet.

Euveriges kan 'n beroerte ouch óntstaon door 't verstoep rake van e bloodvaat, det väöl dökker veurkump. Aafhenkelik vanne plaats vanne bleujing is 'n óngerverdeiling te make.

Rónjelóm 't herre (en deils ouch óm 't rögkemarg) zeen drie herrevleze:

drek rónjelóm 't herre ligk 't zaach herrevlees;
daoboetenóm ligk 't spinnewebvlees;
weer daoboetenóm ligk 't hel herrevlees.