Heppeneert

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Mezeikers, es te dit dialek sjpriks.

---

Kèrk van Heppeneert

Heppeneert ies 'n gehuch in de gemeinte Mezeik in de Belzje provincie Limburg. Heppeneert liek ten zuje van de sjtad Mezeik, aan de Maas. De beboewing van 't gehuch besjteit veurnamelik oet boerderieje langs de weskant van de Maasdiek die haoks op de sjtraot geboewd zin.

Heppeneert ies 'n baevaartsplaats. Me verièrt hie 't beeldsje van Slevevrouw van Rös oet de 16e ièw. Maria ies röstend aafgebeeld en Johannes de evangelis sjteit achter häör. 't Beeldsje sjteit in de neoromaanse Sint-Gertrudiskèrk. Achter de kèrk liek e park mèt keertsegalerieje en 'ne kruusweeg. In de kèrk van Herte in Nederlands Limburg bevink ziech 'n kopie van 't beeldsje van Slevevrouw van Rös, wat saer 1907 ouch 'n doel van baevaardersj ies.

In 1990 haet me in Heppeneert 'n bieledepot oet de late bronstied (8e ièw veur Christus) opgegrave. Diet ies 't groatste bieledepot van Belsj, mèt 47 biele en eine bronze lanspunt. De biele zin van 't Plainseau-type. De verzameling ies te zeen in 't Gallo-Romeins Museum in Tóngere.