Henk Nooren

Van Wikipedia
Naar navigatie springen Naar zoeken springen
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Baergs, as te dit dialek sjpriks.

Henricus Everardus Franciscus (Henk) Nooren (Berge, 23 augustus 1954) is 'ne Nederlandse sjprèngruter.

Hae is eine zoon van Cees Nooren, eine succesvolle rutercoach die mènnig talent haet opgeleijd. In 't begin van de 1970-er jaore maakde de jeugdige Nooren de euversjtap nao de succesvolle Duutsje sjprèngruter Hans Günter Winkler. Nooren wist deze begaafde Duutsje stylist perfek te kopiëre en zich ónger zien leijing wiejer te óntwikkele.

Nooren naom op 22-jaorige laeftied deil in 1976 aan de Olympische Sjpele in 't Canadese Montreal, wo hae mèt zien paerd Pluco ein tieënde plaatsj behaolde in de wedsjtried veur equipes, same mèt Anton Ebben, Rob Eras en Johan Heins. In de individuele wedsjtried woort hae dertieënde mèt zien paerd Jagermeester. Hae naom ouch nog deil aan de waereldkampioensjappe in Aoke en veer keër aan de Europese kampioensjappe. In 1977 woort hae same mèt zien teamgenote Johan Heins, Anton Ebben en Harry Wouters van den Oudenweyer Europees kampioen equipes.

Nooren óntwikkelde zich ummer meë es rutercoach en in de aanloup nao de Olympische Sjpele in 1992 in Barcelona woort hae trainer van de Sjpaanse sjprèngruterploog. Allewiel is hae es trainer betrokke biej 't Zjweedse team en runt hae eine hanjel in sjprèngpaerd. Zien dochter Lisa Nooren is ouch ein succesvol sjprèngamazone.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Henk_Nooren&oldid=349261"