Heintje Davids

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Hendrika David, bekandj es Heintje Davids en Henriëtte Davids (Rotterdam, 13 fibberwarie 1888 - Naarden, 14 fibberwarie 1975) waas 'n Nederlandjse varieté-arties die vanaaf 1907 toet aan zienen doead karrejaer haw es zengerin en foeftemaekerse.

Zien bekandjste leedjes zeen Zandvoort aan de Zee, Draaien en Omdat ik zoveel van je hou (e duet mit [[Sylvain Poons).

Nao dem zien offesjeel aafsjied in 1953 deej Heintje Davids flot e deil comebacks. Allewiel steit 't heintjedavidseffek synoniem aan emes dae kóntinu aafsjied nump en trögkkump.

Biografie

Heintje Davids waas de jóngste naokómmeling oet 'n eiveljig gezin. Dem zie vader Levie David waas 'ne komieker en kastelein en dem zie mam Francina Terveen waas deenderse. Zowaal zien breurs Louis en Hakkie, en dem zie zöster Rika trojen op es 't femieljetheater Davids en broekdje dees ervaring es 'n springplank veur 'n theaterkarrejaer. Heintje waas klein, diek en haw 'n klonetig klinkendje stum, wodoor dem zien eljers 'm óngesjik vónje veur mit te doon aan 't femieljetheater. Zelf vónj 't aevel anges en vanaaf 1907 begós 't aan 'n karrejaer es komische revuezengerin. Vanaaf 1910 trooj 't same mitte broor Louis op. Ónger anger in De Jantjes (1934).

Innen Twieëdje Werreldkrieg zaat Davids óngergedaoke, went 't waas juuds. Es insigste vanne femielje euverlaefdje 't de krieg; Rika en Hakkie stórven in Duutsje kóncentraasjekampe; Louis waas al kort veure krieg gestórve.