Hector Berlioz

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Hector Berlioz
Hector Berlioz
Gebore 11 december 1803
Gesjtorve 8 mieërt 1869
Landj Frankriek
Sjtielperiood romantiek
Belankrieke genres orkesmeziek, kirkmeziek
Invlood van Ludwig van Beethoven
Invlood op Franz Liszt
Lies van componiste

Hector Berlioz (La Côte-Saint-André, 11 december 1803 - Peries, 8 mieërt 1869) waas 'ne Franse kómponis dae oet 'n doktersfemielje stamdje. Hae wóndje houfzakelik is Peries, wo d'r aan 't conservatorium góng studere. Hae waas wirkzaam es kómponis, meziekkritieker en dirigent. Hae troedje de Ingelse toneelspelerin Harriet Smithson en sjreef veur dem ouch versjillige wirke.

Berlioz wuuertj besjoewdj es de veurnaamste vertaengewuuerdiger vanne Franse romantiek. Hae woort gezeen es 'nen hieël kóndigen orkestrator en gebroekdje döks nuuj instrumènter in zien, meistes ómvangrieke, orkèsbezèttinge. Hae permitteerdje zich 'n groeate vormvrieheid en introduceerdje 't Leitmotiv (bie dem: idée fixe) inne meziek. Berlioz geldj es de vader vanne pergrammameziek: meziek dae e boetemuzikaal óngerwirp oetbildj.

Al dees aspèkte kómme toet oetdrökking in zie bekèndjste wirk, de Symphonie Fantastique (Épisode de la vie d'un artiste) oet 1830.

Berlioz waas 'ne groeate bewónjerieër van Ludwig van Beethoven en William Shakespeare. Van versjillige wirke van Shakespeare maakdje d'r opera's.

Inkel bekèndje wirke van Berlioz zeen:

  • Symphonie Fantastique;
  • Harold en Italie, e symfonisch gedich veur altfioeal en orkès;
  • oeverture: Le Carnaval Romain en Les Corsaires;
  • opera's: Les Troyens, Le roi Lear, Benvenuto Cellini en La Damnation de Faust;
  • koearwirke: Requiem (Grande messe des morts) en L'enfance du Christ (oratorium);
  • orkèslejer: Les nuits d'été.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hector_Berlioz&oldid=380223"