Hert

Van Wikipedia
(Doorverweze van Hart)
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'n Sjematisch aafbeildjing van 't hert mit Latiense benaminge.

't Hert (Letien/medisch: Cor) is 'n hól spier dae door zich same te trèkke blood door 't lichaom pömp. E sömpel insektehert besteit oet ein hólle buus die zich aaf en toe sametrèk en zoea 'n klein kwantiteit aan vluistóf in bewaeging hèltj, mèn of mieër in ein richting, meh zónger geslaote vaatsysteem. 'n Hert van e zoogdeer is zieër gespecialiseerdj en haet veer afzönjerlike, door kleppe gesjeie, kamers die same twieë pömp vorme die 'n in serie gesjakeldje, meh wiejer gesjeie, lóng- en lichaomscirculatie ane geng haje.

Ligking[bewirk | brontekst bewerken]

't Hert haet 'n asymmetrische vorm (en dus neet wie e geteikendj hertje: ♥) en ligk in de thoraxhóldje zoeaget midden achter 't bórsbein, in 't mediastinum (de ruumdje tösse de twieë lónge). 't Hert ligk get mieër ane linkse kantj es ane rèchse kantj van 't bórsbein; 't stèk zoea twieë centimaeter oet nao rèchs. Inne linkse lóng daointaenge zurg 't hert veur 'n depe indeuking. 't Hert kin waere gezeen es 'ne saort van kieëgel. De toep daovan wuuertj d'n apex geneump en 't gróndjvlak de basis.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hert&oldid=353004"