Haachel

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne groeaten haachelstein

Haachel is 'ne vorm van neerslaag dae besteit oet klein geläögdje kluntjes ies. Haachel kump allein veur in buien en neet in frontaal neerslaaggebiede.

Haachel óntsteit wen klein ies- en snieëkristallen aankómmen in lóchlaoge mit groeate óngerkeuldje waterdruupkes. 't Bäövelste deil van 'n buiewolk, wo 't mieër es 20 °C vruus, bevatj ieskristalle, dewiel 't ungelste deil, mit temperature tösse de -10 en -20 °C, óngerkeuldje druupkes bevatj. Zakkendje op opkómmendje lóchbewaegingen inne wolk jagen iesdeilkes door laoge mit väöl óngerkeuldj water. Zoea kómme die in boetsjing mit anger óngerkeuldje druupkes en ies. De óngerkeuldje druupkes zitte zich aaf oppe ieskristalle, die zoea grujjen en op 't lès es haachel oete wolk valle.

Haachelstein bestaon dökker oet läögskes die aafwèsselendj dóf en klaor zeen. In 't dóf deil zeen op groeate, kaaj huuegdjes de boetsjendje deilkes of druupkes drek vasgevraore. In 't klaor deil is vleujbaar water op leger, wermer huuegdje ingevange det pas later op kajer huuegdje bevraoren is.

Zuuch ouch[bewirk | brón bewèrke]

Wiktionair
Zeuk de definitie, vertalinge, oetsjpraok en dialekvariante van haachel op in de Wiktionair.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Haachel&oldid=444496"