Gunther

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Gunther is zoewaal 'ne väörnaam es 'ne familienaam.

Herkomst en betekenis

D'r naam Günther sjtamt oet 't Aodhoeëgduutsj en besjtèèt oet twieë waoërddele:gund dat gevecht, sjlaag, krèèg betekent en heri dat massa of volk betekent. De Aodhoeëgduutsje oetsjpraak Gunthar en Gunther geunt truuk nao de Germaanse vorm Gundahar.

Historie

D'r kunning van de Bourgondiërs Gundahar (ooch Gundohar, Gundihar en Guntiar) wert dör d'r Romeinse historiesjriever Olympiodoros van Theben es Gundaharius geneumd. In de bewaarde versjlage va Boergondiërsrechsvergaderinge lex burgundionum oet d'r 9de ieëw en lex romana burgundionum oet d'r 7de ieëw, wert Gundahar es ene van de kunninge van de Bourgondieërs geneumd. D'r historische persoon Gundahar deende in de dao-op volgende ieëwe es väörbeeld vör d'r fictieve figuur Gunther in 't Nibelungenlied en de daovan aafsjtammende verhaole.