Greune Luiper

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Greune Luiper is de naom vaan 't projek wat zal veurzien in de gehiele herinriechting vaan 't A2-trajek in Mestreech. De mies ziechbare oonderdeile zien d'n dobbellaogs Keuning Willem-Alexandertunnel tösse de krusing mèt de Terblieterweeg bij stadion de Geusselt en 't Europaplein en de umbow vaan d'n awwe, bovegrondse, A2 tot 'n 5 km lang laon, die zal loupe vaan 't Europaplein tot in 't boetegebeed tösse Mestreech en Meerse. In 't bovegrondse gebeed zal 'ne mix vaan greun, woeninge, winkels en horeca weure gerealiseerd. 't Projek doort tot 2026.

Oersprunk[bewirk | brón bewèrke]

In de jaore 60 vaan d'n twintegsten iew woort d'n A2 es stadboulevard aongelag. In de jaore 80 en 90 deeg Riekswaterstaot oonderzeuk um de weeg aon te passe, um de leefbaarheid langs de weeg, de doorstruiming en de bereikbaarheid vaan de stad te verbetere. Oeteindelek woort in 2006 'n samewèrkingseuvereinkomst tösse Riekswaterstaot, Provincie Limburg, gemeinte Mestreech en gemeinte Meerse geteikend um te koume tot ei plan veur stad en weeg. In 2009 woort gekoze veur 't plan Greune Luiper vaan 't consortium Avenue2.

Oonderdeile[bewirk | brón bewèrke]

  • Oondertunnelling vaan d'n A2 (opegestèld in december 2016)
  • Parklaon bovenop d'n tunnel (start in 2017)
  • Volledeg verknuipe vaan d'n A2 en d'n A79 (groetendeils gerealiseerd in zomer 2014)
  • Verbindingsweeg tösse d'n A2 en bedrieveterrein Beatrixhave (gerealiseerd in zomer 2014)
  • Mie greun en recreatie in de Landgoederezone (gerealiseerd)
  • Verbetering functie Viaductweeg (realisatie in 2017)
  • Nuie stadsentrees bij Geusselt en Europaplein
  • Nui centrum veur Mestreech-Oos

Links[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Greune_Luiper&oldid=427689"