Gletsjerkónde

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Gletsjerkónde of glaciologie is de weitesjap die zich besjeftig mit 't bestudere van ies, gletsjeries, gletsjers en landjies. 't Geit hiebie zowaal óm 't bestudere van glaciaal fenomene die allewiel optraeje, es euver de studie van glaciaasjes oet 't vergangene. 't Is 'n interdisciplinair aerdweitesjap en ómvatj deiler vanne geologie, de klimatologie, de meteorologie, de hydrologie enne netuurkónde.

E wichtig óngerdeil vanne gletsjerkónde is 't ieskernóngerzeuk. Hiebie maak me baoringen in ieskep, wie Greunlandj en Antarctica, die döks hóngerdje maeters lank zeen. Mitte gegaeves in dees ieskerne die döks mieër es 100.000 jaor trögk gaon, kan me infermaasje achterhaolen euver wie 't klimaat in daen tied waas.