Glaasvaezel

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Glaasvaezel.

Glaasvaezel is 'ne haor-dónne vaezel van glaas. 't Wuuertj ónger anger toegepas es optische vaezel inne telecommunicatie, wobie leech wuuertj gestuurdj door lang vaezele van optisch hieël heljer glaas veur signale betroewbaar euver groeate aafstenj te verveure. Doordet 't leech inne glaasvaezel 'ne biezunjer kleinen hook mitte boetekantj vanne vaezel maak, is reflectie gegarandeerdj en blief 't leech inne vaezel door intern reflectie. Veur dees toepassing mót de vaezel aan hieël specifieke eisje vóldoon.

'n Anger toepassing van glaasvaezel is 't verstaevige van alderhenj aan kónsstoffe. Zoea wuuertj glaasvaezel ónger anger toegepas in hingele, remblök en ski's. 't Matterjaal det zoea óntsteitj, wuuertj 'ne composiet geneump. Glaasvaezel inne vorm van glaaswöl wuuertj gebroek es isolatiematterjaal. Ouch guuef 't glaasvaezelbehang. Veur dees toepassinge zeen anger saorten aan glaasvaezel in gebroek es veure datacommunicatie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Glaasvaezel&oldid=365671"