Gerrit Zalm

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Gerrit Zalm (gebaore 6 mei 1952, Enkhoeze) is 'ne Nederlandjse politieker en bankeer. Hae waas de pertieleider vanne liberaal VVD van 2002 toet 2004. Hae waas de minister van Financië van 1994 toet 2002 en van 2003 en 2007. In die lèste periood waas t'r ouch vice-premier. Daomit is t'r de minister van Financië dae 't langste deens haet gedaon in dit amb.

Zalm studeerde algemein economie oppe Vriej Universiteit Amsterdam, wonao d'r in 1975 in deens kwaam bie 't Ministerie van Financië. Van 1989 toet 1994 waas t'r (ónger)dirrektuuer van 't Centraal Planbureau. Oearsprunkelik 'ne sociaaldemocraat, vanaaf 1984 woort t'r lid vanne VVD. Inne periood 2002-2003 waas hae fractieleider van dees pertie inne Twieëdje Kamer.

Vanaaf 2009 waas t'r (vice)veurzitter vanne raod van bestuur bieje bank ABN AMRO, wo d'r ouch de fusie mitte Fortis Bank haet aangestuurdj. Dees functie haet t'r in 2017 deneergelag. In detzelvendje jaor haet t'r nag de rol van informateur vervöldj veur 't Kabbenèt-Rutte III