Geomorfologie

Van Wikipedia
Naar navigatie springen Jump to search

Dit artikel is begós in 't Sint-Joasters. Laes hie wie v'r mit de versjillende saorte Limburgs ómgaon.


Geomorfologie is de weitesjap die de vörm van 't landjsjap en de percèsse die bie 't óntstaon daovan 'n rol spele of höbbe gespeeldj bestudeertj.

Me maak hiebie 'n óngersjied tösse endogeen percèsse, die zich vanoet de Aerd aafspele, en exogeen percèsse, die zich op 't aerdoppervlak aafspele.

Endogeen percèsse zint vólkanisme, tektoniek en orogenese (bergvörming); exogeen percèsse zint percèsse die te make höbbe mit de wirking van de element, wie glaciaal door gletsjers en ieskep; periglaciaal door 't vrere; fluviatieel door revere en anger struimendj water; marien door de ziè en maere (wie strenj en waddegebiede); eolisch door de windj (wie dune); biogeen door plantje, dere en anger organisme (worónger ouch de miens vèltj); sjemisch door sjemische stoffe (wie karste); graviationeel door de zwaordjekraf (zowaal inslaeg van meteoriete en dergelike, es ouch aerdversjuvinge en lwiens) en magnetisch door invlood van e magneetveldj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Geomorfologie&oldid=387443"