Geimer

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Vaerse geimerroot.

Geimer, gember of ingber (Zingiber officinale) is 'n bleujendje plantj oete femielje Zingiberaceae. De rotestek wuuertj gebroek veur 't specerie geimer d'rvan te make.

De plantj wuuertj 0,6 toet maximaal 1,2 maeter hoeag en haet smaal blajer. De stengele springen edersjaor oete knuup vanne rotestek. De bleujwies is aarvörmig, wobie de are zoeaget 8 cm lank zeen. De blome zeen bleikgal mit 'n pórperechtig-gekluuerdje lup mit roumkluuerige stippen en strepe. De gecultiveerdje plantje zeen meistes steriel en bleuje neet.

d'n Óngergrundjse root liek get op 'n opgezwólle handj en haet 'n körkechtige sjèl.

De smaakgaevendje stoffe inne plantj zeen gingerol, gingeridione en shogaol.

Geimer es specerie wuuertj väöl toegepas in keukskes en ouch in paeperkook.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Geimer&oldid=460716"