Fugging

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Plaatsnaambórd.

Fugging, veurhaer Fucking, is 'n Oësterieks dörpke in de gemeinte Tarsdorf in Opper-Oeësteriek. 't Dörpke haet zoën hónderd inwoeëners.

Naam[bewirk | brón bewèrke]

De vreugere naam Fucking klink meschiens komisch, umdet 't 'n scheldwoord oet 't Ingels is. Daorum maakde vuul toeriste foto's beej 't naambordje en woorte diezelfde borde ouk wal ins gestaole. De naam haet aevel huulemaal niks te make met d'n Ingelse term, mer kump van 'nen heilige dae Focko het en de toevoeging van -ing guuef aan det 't um 'n nederzetting geit.

Door de aanhaldende aandach en veural umdet de borde zoeë dök gestaole woorte, besloot de gemeinte de naam in Fugging te verandere. Dees verandering ging per 1 jannewarie 2020 in. In 't Beiers-Oeësterieks dialek woort de plaatsnaam altied al zoeë oetgespraoke. Waal is 't verwarrend det in de gemeinte Obritzberg-Rust ouk 'n dörpke Fugging leet.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fugging&oldid=446900"